મણકો #207   તા-16-6-2024 

ગુજરાતીસાહિત્ય ફોરમ આયોજીત વક્તવ્યના વક્તા હતા નિમિષા પરમાર ને મોડરેટર હતા ભારતીબહેનવોરા. ભારતીબહેને પોતાની આગવી લાક્ષણિક શૈલીથી પરિસંવાદની શરુઆત કરી ને સાથે સાથેનિમિષાના પણ પ્રશ્નોના ખૂબ જ સુંદર સંતોષકારક પ્રત્યુત્તર રહ્યા. પરિસંવાદ દરમ્યાનબંને શ્રોતાઓ પરજબરજસ્ત પકડ જમાવવામાં સફળ રહ્યા. 

વિદેશની ધરતીપર રહી માતૃભાષા ગુજરાતી માટે કપરું ચઢાણ નિમિષાબહેન ચઢી રહ્યાછે. ગુજરાતી ભાષા માટે આજની મધ્યમ પેઢી કડી તરીકેની કામગીરી નિભાવવામાં નિષ્ફળ ગઇછે. જે કામ નથી કરી શક્યા તેને લીધેજે નુકસાન થયું છે તે ભરપાઇ કરવાનો સમય હવે આવી ગયો છે તેવું દ્રઢપણે નિમિષા માનેછે. બાળકો માટે માતાપિતાએ જ ઘરમાં ગુજરાતી બોલવાનો મહાવરો રાખવો જોઇએ. દરેક જોપોતાના ઘરથી જ શરુઆત કરે તો ગુજરાતી માટે ઘણું મોટું યોગદાન રહેશે . 

સંસ્કાર નગરીવડોદરામાં જન્મ ને ઉછેર પણ કલાપ્રેમી ને  સાહિત્ચપ્રેમી સાથે ગાંઘીવાદી કુટુંબમાં એટલે બાળપણથી જ  સંસ્કારનું સિંચન તેમનામાં થયેલું . વિજ્ઞાનશાખાના સ્નાતક પણ સાથે ભારતનાટ્યમ ને લોકનૃત્ય પણ શીખ્યા. કલા પ્રત્યેનો શોખ યુ. કે. ના લેસ્ટરમાં સ્થાયીથઇને પણ ચાલુ રહ્યો. સાસરાનું કુટુંબ પણ ભાષા ને ભારતીય સંસ્કૃતિમાં માને છે. કુટુંબનો સાથ મળવાથી બધાંજ શોખ યથાવત રાખી શક્યા છે. તેમના બાળકો પણ ગુજરાતી બોલેછે. 

તેમના કાર્યક્ષેત્રમાંક્યારેય તેમને રંગભેદનો સામનો કરવો પડ્યો નથી. અહીંના લોકો સરળ, પ્રેમાળ નેસરળ છે તેથી નવા વાતાવરણમાં જલદી જાતને ગોઠવી શક્યા. ભારતીબહેન અદમભાઈ ટંકારવી  જેવાનો સાથ મળ્યો. કોરોના કાળમાં બહેન- બનેવીના સૂચન નેસહકારથી યુ ટયુબ પર ગઝલ ને કવિતાપઠન કરવાનું શરુ કર્યું, જેનો સારો પ્રતિસાદ મળ્યો.ગુજરાતી ભાષા માટે કામ કરવાનો મોકો મળ્યો.ગુજરાતીભાષાને આગળ કરવા ઘણાં પ્રયત્ન કરી રહ્યા છે, પણ ભાષાને જેમાન ને સહકાર મળવો જોઇએ તેમાં ઉણપ છે, તેને માટેનિમિષાબહેનને ખેદ છે.ભાષા માટે  ઝવેરચંદ મેઘાણી, મનુભાઇ પંચોળી, તે પહેલાંકવિ પ્રેમાનંદે પણ ખેડાણ કર્યું  છે, પણ આટલી સદીપછી પણ એ જ હાલત છે. અંગ્રેજી ભાષા ના આવડે તો નાનમ અનુભવાય પણ ગુજરાતી ભાષા નાઆવડે તો આપણે ખેદ અનુભવ નથી કરતા એ આપણી કમનસીબીછે. 

ચાર વર્ષથીયુ ટયુબ ને રેડિયો પર ભાષા માટે નિમિષાબહેન પ્રયત્ન કરી રહ્યા છે, ઘણાં જાણીતાકવિ, લેખક ને કલાકારોના સંપર્કમાંઆવ્યા છે જેઓ ભાષા માટે કામ કરે છે. તેને માટે તેઓ રોમાંચ પણઅનુભવે છે.મિડિયા પર સતત પીરસતું જ રહેવું પડે છે, ગુજરાતી ભાષાખૂબ જ સમૃદ્ધ છે, તેની પાસે અઢળક છે, પણપિરસવાવાળા ઓછા છે. યુવાનોને પણ આ કામમાં જોડવા પડશે તો જ  ભાષાનું ભાવિ ઉજ્જવળહશે. યુવાનોને જોડવા માટે  તેનું translation જરુરીછે.ગુજરાતી સંગીત, ગુજરાતી ફિલ્મો ને તેના કલાકારો સુંદર કામ કરી રહ્યા છે પણ પ્રતિસાદમોળો છે. ધર્મ આપણને અલગ કરી શકે પણ ભાષા ને મહત્વ આપીએ તો બધાં જોડાઇ શકે. 

ભારતીબહેનેતેમની સાથેની વાતચીત દરમ્યાન તેમનાં વિચારો શ્રોતાજનો સુધી પહોંચાડ્યા. એક નવા જ વિચારના બીજનું આરોપણ થયું .આપણી ફરજ છે ભાષાને સાચવીને તેની સમૃધ્ધિ જાળવી યુવાનો સુધીપહોંચાડવાનું.  આપણું કર્તવ્ય સમજી તેનું પાલન કરવાનું . તે આપણે ન કરી શકીએ તો જેનુકસાન થશે તે ભરપાઇ કોણ કરશે. પડકાર મોટો છે પણ માતૃભાષાની ભરપાઇ આપણે કરવી જરહી. 

આપનો ખૂબ ખૂબઆભાર ભારતી બહેન ને નિમિષા બહેન સુંદર વાર્તાલાપ બદલ . 

કોકિલા બહેનને તેમના પરિવારના સભ્યોનો ખૂબ ખૂબ આભાર . 

                     ——- સ્વાતિ દેસાઇ 

‍