ગુજરાતી સાહિત્ય ફોરમ આયોજીત લઘુ કથા પઠન ના વક્તા હતા દુર્ગેશ ઓઝા. તેમણે લઘુકથા મારફતે સમાજને ઉત્તમ સંદેશ આપવાનો પ્રયત્ન કર્યો છે તે ખરેખર સરાહનીય છે.
ભાઈ બહેનના નિર્વ્યાજ પ્રેમની વાતમાં તેમની વચ્ચેના પ્રેમની મીઠાસની ઝલક છતી થાય છે, તો વારસાગત માં બે ભાઈ સંબંધ ને સાચવવા ભલાઈ કરતો ભાઈ જોવા મળેછે.
ઘણીવાર જીવનમાં એવા પ્રસંગ બંને છે જેમાં તમે અભિનેતા ન હોવા છતાં સહજ અભિનય કરી શકો છો તે અભિનય કથા સ્પર્શી ગઈ. ઘણીવાર આપણે પસંદગી ખોટીકરતા હોઇએ છીએ , જેને લીધે નાની વસ્તુ મેળવવા જતા મોટી વસ્તુ ગુમાવવાની કિંમત ચૂકવવી પડે છે તેવી બોધકથા ટૂંકમાં ઘણું કહી ગઈ. વળી અપવાદમાં સ્વભાવ વિરુધ્ધનું આચરણ પણ જોવા મળ્યું .
મન વાર્તા માં ઉંમર સાથે જીભનો સ્વાદ પર અંકુશ ( ખાવાના અભરખા) નથી રહેતો, તેની થોડી રમૂજ સાથે સરસ વાત ગૂંથી લીધી છે. પરિવર્તન માં પુત્ર માટે કન્યા પસંદગીમાં રૂપની આશા રાખતી મા નું હ્રદય પરિવર્તન થતા ગુણવાન કન્યા પુત્રવધૂ રૂપે સ્વીકારની વાત પણ સમાજને ઉત્તમ સંદેશ પૂરો પાડે છે.
દુર્ગેશ ભાઈ આપની લઘુ કથાઓ માણવાની તક પરિવારના સભ્યો ને મળી તે માટે આપનો ખૂબ ખૂબ આભાર .
કોકિલા બહેન અને પરિવારના સભ્યોનો ખૂબ ખૂબ આભાર
Author,Singer, Stage-T.V.Artist. More than 175 short stories,laghukatha,articles etc.have been published in Gujarati magazines,newspapers, Aakashwani, blogs etc.in India and abroad.
His Laghukatha VARSAGAT has been included in Gujarati Textbook of Eng.Medium 9th Standard by Guarat Rajya shala Pathypustak Mandal, Gandhinagar.
