ગુજરાતી સાહિત્ય ફોરમ આયોજીત વક્તવ્ય હસીએ તો સૌને ગમીએ ના વક્તા હતા જાણીતા હાસ્ય કલાકાર રમેશભાઇ ચાંપાનેરી . તેમણે તેમની હાસ્ય શૈલી થી બધાંને જકડી રાખી નિર્ભેળ આનંદ માં ડૂબકી મરાવી. તેમની હાસ્ય સરવાણી માં એવા તણાંયા કે કાંઠાનો નો વિસામો ક્યારે આવ્યો તેની ખબરે ય ના રહી . જાણીતા હાસ્યકલાકારની સાથે હાસ્ય લેખક, અભિનેતા ના વક્તવ્ય ને માણવાનો લહાવો અનેરો હતો.

જીવનની સફરમાં હાસ્ય નું સ્થાન આગવું હોય તો ઉતારચડાવ ના દુ:ખ ઝાઝું સ્પર્શતા નથી . શરુઆત નું એક વાક્ય સૌને સ્પર્શી ગયું, જિંદગી જીને કી ચીજ હૈ, હમેં જીના નહીં આતા . હાસ્ય એક એવી જડીબુટ્ટી છે , જે શરીરને તંદુરસ્ત અને પ્રફુલ્લિત રાખે છે. હાસ્ય ના ધોરી માર્ગ પર ચાલનાર ક્યારેય દુ:ખી નથી થતો. સુખી થવાના બે રસ્તા કયાં તો ઘસઘસાટ ઊંઘો કે ખડખડાટ હસો.

દરેક ઘરની સુખી થવાની ચાવી એ છે કે સવારે ઘરકામમાં વ્યસ્ત સ્ત્રી ને છંછેડવી નહીં ને સાંજે થાક્યા પાક્યા નોકરીએથી આવેલ પુરુષ ને ખંખેરવો નહી તે તેમની રમૂજી અદાથી વાત ને રજૂ કરી.

પોતાની જાતને ક્યારેય ઓછી કે ઉતરતી આંકવી નહી. તેના માટે ખૂબ સરસ કાવ્ય રચના સંભળાવી, હું જ મારી સવાર ને હું જ મારી સાંજ …….હું જ મારી પૂનમ ને હું જ મારી અમાસ . ખરેખર જિંદગીની વાસ્તવિકતા હાસ્ય માં વણી લાઇને જીવન જીવવાની રીત તો રમેશભાઇ આપ જેવા જ સૂચવી શકે.

પોતાના જીવનના પ્રસંગો રમૂજી ભરી રીતથી કહી હાસ્યરસ માં શ્રોતાજનો ને ઝબોળવાનું ભગીરથ કાર્ય માંપણ રમેશભાઇ માહેર છે, એવા કંઈક પ્રસંગો ફળદ્રુપ ભેજાં એ ઉપજાવેલા તે પણ લાક્ષણિક ઢબે વર્ણવ્યા.

બારાખડી ના શબ્દો અને અંગ્રેજી alphabet ના words દોહાના રુપમાં ગાઇ સૌને આશ્ચર્યચકિત કરી દીધા. દક્ષિણ ગુજરાતના હોવાનો લીધે સુરતી બોલી ની ખાસિયત પણ ક્યારેક રમૂજ ઉત્તપન્ન કરે છે તેની વાતથીસૌ પેટ પકડી ને હસ્યા. અંતે ઝવેરચંદ મેઘાણી ની ચારણ કન્યા નું પઠન તો લાજવાબ હતું .

ખૂબ ખૂબ આભાર રમેશભાઇ, ફરી ક્યારેક આપનીસંગત નો લાભ મળે તેવી આશા. કોકિલાબહેન અને આપના પરિવારનો ખૂબ ખૂબ આભાર

‍