ચાલને આજે મોજ કરીએ
“ચાલને આજે મોજ કરીએ “
ચાલને આજે મોજ કરીએ !
નાનકડાં આ ખાબોચિયામાં
મારીને કૂદકા ,આપણે
છબછબાક કરીએ .
ચાલને આજે મોજ કરીએ !
પતંગિયાની પાછળ દોડી ,
ફૂલ પરના ,ભમરાને પકડીએ
ચાલને આજે મોજ કરીએ !
આમ દોડા દોડી કરીને ,
પીઠ પર ,બાનો ધબ્બો ખાઈએ
ચાલને આજે મોજ કરીએ !
બાનો પાલવ પકડી ,
થોડી ,સંતાકૂકડી રમીએ .
ચાલને આજે મોજ કરીએ !
દોડતાં દોડતાં ,લપસી પડીએ ,
લપસતાં લપસતાં ,રડી પડીએ !
ને રડતાં રડતાં ,હસી પડીએ !
ચાલને આજે મોજ કરીએ !
વસુધા ઈનામદાર