મારું વસિયતનામું,
હું તો પુનર્જન્મમાં માનું !
જીવનનાં આ હિસાબકિતાબમાં,
ના મારી પાસે કોઈ, વસિયત નામું !
શ્વાસે શ્વાસે ઝીલી પ્રકૃતિને,
દેહ સમર્પિ, ભરું એનું તરભાણું,
પર્યાવરણનાં સોગંદ આપું,
અંતિમ મારી ઈચ્છા રાખું !
ચેહ દેવા આ દેહને,
ના ચંદન કે કોઈ કાષ્ઠ માંગુ !
ના કોઈ વૃક્ષને, કોઈ બહાને કાપું !
હું તો પુનર્જન્મમાં માનું,
જો પંખી બની અવતરું તો ?
મારો માળો ક્યાં હું બાંધું ?
----- વસુધા ઈનામદાર